FRANCISCANOS OFM SANTIAGO

A ADE DE SANTIAGO DALLE A BENVIDA A UN NOVO GRUPO EN FORMACIÓN

Na Asemblea Diocesana da ADE de Santiago celebrada o pasado domingo 18 de setembro aprobouse o ingreso dun novo grupo en formación. Este xurdiu na parroquia de San Francisco en Santiago de Compostela da man dun grupo de persoas vinculadas ó tempo libre que buscaban darlle un contido e unha continuidade ás actividades que adoitan organizar cos nenos da parroquia. Así, viron no escutismo unha metodoloxía educativa que lles pareceu moi interesante e moi acorde aos valores e principios que pregoa San Francisco, polo que decidiron emprender a aventura scout.

O novo grupo conta cun Kraal de arredor de sete persoas, a maioría deles mozas e mozos vinculados á parroquia, e cun consiliario que ten experiencia no tempo de lecer e que foi scout en Italia. O novo grupo presentouse como Grupo Scout Tau, palabra que remite a un símbolo de San Francisco co que se senten identificados. Presentáronnos tamén as cores da súa pañoleta, que será marrón (unha cor tamén moi franciscana) e beis.

O novo grupo foi moi ben acollido na Asamblea Diocesana de Santiago, obtendo o informe positivo tanto do Delegado Diocesano como da Secretaria Xeral de Promoción, que se achegou a Santiago para dar a benvida en persoa ao Grupo Scout Tau.

Dende aquí queremos desexarlle un bo camiño ó novo grupo e moita sorte na andaina scout que vén de comezar.

http://www.francescout.it